Pas ditëve të vështira që ka kaluar pas publikimit të materialeve intime, këngëtarja Eli Fara duket se po përgatitet të rikthehet në skenë, duke treguar se nuk ka ndërmend të heqë dorë nga aktiviteti i saj artistik.
Përmes një postimi në Instagram, artistja ka ndarë posterin e mbrëmjes muzikore “Nata e Legjendave”, e cila pritet të mbahet më 16 tetor në Tiranë.
Në këtë aktivitet, Eli Fara do të performojë përkrah Luiz Ejllit dhe Altin Shirës, në një mbrëmje që pritet të mbledhë emra të njohur të muzikës shqiptare.
Njoftimi vjen vetëm pak ditë pasi këngëtarja u përball me vëmendje të madhe mediatike pas shpërndarjes së materialeve intime ku shfaqej me kompozitorin Adrian Hila.
Në reagimin e saj publik, Fara shprehu dhimbjen për cenimin e privatësisë, duke theksuar se nuk kishte arsye të ndihej e turpëruar dhe se përgjegjësia u takonte atyre që cenojnë privatësinë e të tjerëve. Ajo bëri të ditur se i ishte drejtuar policisë dhe se çështjen do t’ia linte drejtësisë.
Pavarësisht situatës së krijuar, këngëtarja duket se ka zgjedhur të vazhdojë aktivitetin e saj muzikor, ndërsa rikthimi në skenë më 16 tetor vjen në një moment të ndjeshëm për të.
Mbetet për t’u parë se si do të pritet nga publiku kjo dalje e saj e radhës, teksa Eli Fara duket e vendosur të vazhdojë përpara me karrierën artistike.
