Françeska Murati ka reaguar pas aludimeve të fundit që kanë qarkulluar në rrjet lidhur me jetën e saj private dhe një pretendim se ajo mund të jetë në një lidhje me një burrë të martuar.
Shkak për diskutimet u bë një bisedë e publikuar nga gazetari Elton Tozaj në Instagram, e cila pretendohet se është zhvilluar mes Françeskës dhe një ndjekëseje.
Në bisedën e publikuar u veçuan disa komente të ndjekëses, përfshirë referenca për “burrat e martuar” dhe një marrëdhënie të mundshme me një person të tillë. Këto mesazhe u interpretuan nga disa persona në rrjet si një aludim për jetën sentimentale të ish-banore së “Big Brother VIP Albania”.
Megjithatë, nuk është publikuar ndonjë provë që të vërtetojë se Françeska është në një lidhje me një burrë të martuar.
Pas përhapjes së pretendimeve, vetë Françeska ka reaguar në Instagram, duke i mohuar kategorikisht.
“O Zot, ça janë këto gjëra të tmerrshme me AI. Latë nam me këto mashtrime”, ka shkruar ajo.
Me këtë reagim, Françeska pretendon se materiali që po qarkullon është manipuluar përmes inteligjencës artificiale dhe se bëhet fjalë për një mashtrim.
Ky nuk është rasti i parë që emri i saj lidhet me aludime për një romancë të re. Pak javë më parë, Elton Tozaj kishte deklaruar publikisht se Françeska ishte kthyer nga Londra në Shqipëri për një person tjetër.
Edhe atëherë, ajo kishte reaguar duke i kërkuar gazetarit të paraqiste fakte dhe duke i cilësuar deklaratat si të pavërteta.
Për momentin, Françeska nuk ka konfirmuar ndonjë lidhje të re, ndërsa pretendimi se ajo është në një marrëdhënie me një burrë të martuar mbetet i pakonfirmuar dhe është mohuar publikisht prej saj.
