Teksa bota po përgatitet për Kupën e Botës 2026, në rrjetet sociale po rikthehet një nga profecitë më të diskutuara që i atribuohet Baba Vangës.
Sipas interpretimeve që po qarkullojnë, mistikja bullgare thuhet se kishte paralajmëruar shfaqjen e një fenomeni të pazakontë në qiell gjatë një eventi që do të ndiqej nga miliona njerëz në mbarë botën. Për shumë persona, ky përshkrim lidhet pikërisht me Botërorin 2026.
Në qendër të diskutimeve është ideja e një “drite të re” ose një fenomeni misterioz që mund të shfaqet në qiell dhe të tërheqë vëmendjen globale. Disa e interpretojnë si një ngjarje astronomike, ndërsa të tjerë e lidhin me teori më misterioze.
Megjithatë, ashtu si shumë profeci të tjera që i atribuohen Baba Vangës, nuk ekzistojnë prova të qarta që vërtetojnë se ajo ka bërë një parashikim të tillë në mënyrë të dokumentuar. Për këtë arsye, tema vazhdon të mbetet objekt debatesh mes atyre që besojnë në profecitë e saj dhe skeptikëve.
Pavarësisht kësaj, diskutimet në internet janë shtuar ndjeshëm dhe shumë persona po pyesin veten nëse gjatë Botërorit të ardhshëm do të ndodhë vërtet diçka e pazakontë që do të tërheqë vëmendjen e gjithë botës.
Deri atëherë, gjithçka mbetet në nivel spekulimesh dhe interpretimesh, ndërsa tifozët presin me padurim nisjen e një prej ngjarjeve më të mëdha sportive në planet.