Pas shumë spekulimeve dhe thashethemeve që kanë qarkulluar prej muajsh në mediat rozë, duket se Klodiani dhe Elijona kanë vendosur t’u japin fund dyshimeve.
Dy ish-banorët e Big Brother VIP Kosova 4 janë fotografuar së bashku gjatë pushimeve në jug të Shqipërisë, duke konfirmuar kështu raportin e tyre jashtë shtëpisë më të famshme në Kosovë.
Pamjet e publikuara së fundmi i tregojnë ata pranë njëri-tjetrit në momente relaksi, duke lënë të kuptohet se miqësia e krijuar gjatë qëndrimit në BBVK është shndërruar tashmë në një lidhje romantike.
Gjatë eksperiencës së tyre në reality show, afrimiteti mes Klodianit dhe Elijonës ishte vënë re nga publiku, megjithatë asnjëri prej tyre nuk e konfirmoi zyrtarisht një romancë. Kjo bëri që për muaj me radhë fansat të aludonin për natyrën e marrëdhënies së tyre.
Tashmë, fotografitë e fundit duket se kanë shuar çdo dyshim, ndërsa dyshja po shijon ditët e verës larg kamerave, por nën vëmendjen e madhe të ndjekësve.
Ky zhvillim ka ngjallur reagime të shumta në rrjetet sociale, ku fansat e çiftit kanë shprehur gëzimin për këtë hap të ri në jetën e tyre personale.