Gjykata e Shkallës së Parë në Vlorë ka zhvilluar seancën për caktimin e masës së sigurisë ndaj Geraldo Bibës, efektiv i policisë private, i cili u ndalua nga autoritetet pas ngjarjes së ndodhur në Zvërnec më 30 maj.
Seanca gjyqësore u drejtua nga gjyqtari Etien Isak, ndërsa përfaqësuese e akuzës ishte prokurorja Julinda Gjika. Gjatë shqyrtimit të çështjes, prokuroria kërkoi që ndaj të dyshuarit të vendosej masa e sigurisë “arrest në burg”.
Pas dëgjimit të argumenteve të palëve, gjykata vendosi të pranojë kërkesën e prokurorisë, duke caktuar ndaj Geraldo Bibës masën e sigurisë “arrest në burg”.
Ngjarja e ndodhur në Zvërnec vijon të jetë nën hetim, ndërsa autoritetet pritet të hedhin më shumë dritë mbi rrethanat e saj në vijim.